Mbrëmë ka ndërruar jetë Dr. Muharrem Krasniqi, specialist i Klinikës së Anesteziogjisë dhe Reanimacionit në Qendrën Klinike Universitare të Kosovës.
Lajmi është bërë i ditur nga familja si dhe nga Shërbimi Spitalor Klinik-Universitar i Kosovës.
Në postimin e ShSKUK-së thuhet se “nga fillimi i pandemisë COVID-19, shërbeu edhe në Klinikën Infektive të Qendrës Klinike Universitare të Kosovës, duku ofruar kujdes maksimal për pacientët me COVID-19″.
“Ishte punëtor i madh dhe i zellshëm, në çdo kohë në shërbim të pacientëve.
Ngushëllime familjes, kolegëve dhe gjithë punëtorëve shëndetësor për këtë humbje të madhe”.
Familjarët e të ndjerit kanë bërë të ditur se varrimi bëhet sot më datë 10.04.2022, pas namazit të ikindis në varrezat e fshatit Milefc.
