Në Institutin Kombëtar të Shëndetit Publik (IKShPK) të hënë në mëngjes numër i vogël i qytetarëve janë testuar për të vërtetuar nëse janë të infektuar me COVID-19.

Disa qytetarë thanë se po testohen ngase kanë pasur simptoma e disa të tjerë për të udhëtuar jashtë vendit.

Majlinda Dybeltari tha se testin për COVID-19 po i duhet për udhëtim në Zvicër, raporton EO.

“Po testin për COVID po më duhet për udhëtim në Zvicër. Besoj brenda ditës e kemi gati, se fluturimin e kemi nesër”.

Bastrie Uka thotë se e ka bërë testin para tri javësh, duke shtuar se vaksina ka qenë i vetmi ilaç kundër COVID-it.

“Testin për COVID-19 e kom po para tri javësh sepse kom pas me kalu kufirin. COVID-in e kom pas ma herët”.

“Kom pas temperaturë ethe. Të gjithëve u them merrni vaksinat”./GazetaSinjali/