Komandanti i lartë i ushtrisë amerikane në Evropë thotë se ai beson se “qëndrimi i forcës” i trupave amerikane në rajon duhet “të ndryshojë” për të pasqyruar një kërcënim në rritje nga Rusia.
Gjenerali Tod Wolters, i cili drejton Komandën Evropiane të Ushtrisë, tha në një seancë dëgjimore në Kongres se “akti i pakuptimtë” i Rusisë – pushtimi i Ukrainës – ofron një mundësi për të “rishqyrtuar arkitekturën e përhershme ushtarake që ekziston” në kontinent, shkruan BBC, transmeton Gazeta Sinjali.
Wolters shtoi se kjo do të përfshinte si dislokimet e trupave në terren në Evropën Lindore dhe “policimin ajror”, si dhe forcat detare.
Wolters tha gjithashtu se SHBA ka krijuar dy qendra, që po punojnë për të dërguar ndihmën ushtarake dhe humanitare në Ukrainë. Oficerët ukrainas të ndërlidhjes janë të pranishëm në këto qendra.
