Kreyparlamentari në largim, Kadri Veseli, është parë tërë disponim teksa ka dalur në hollin e Kuvendit të Kosovës për t’iu drejtuar mediave.

Me këtë rast ai para gazetarëve e ka prezantuar vetën si kandidat për kryeministër të ardhshëm.

“Unë jam  Kadri Veseli, do të jem kandidat për kryeministër të Kosovës. Vetëm një gjë e di në jetë, me e mbajtë fjalën. Kam thënë se do të largohen uzurpatorët nga prona publike, e kam mbajt fjalën,  po them se do ta luftoj korrupsionin, do ta mbajë fjalën”,  është shprehur Veseli.

Veseli nuk pranoi pyetje nga gazetarët e shumtë që ishin në hollin e Kuvendit të Kosovës.

“Le të gëzohemi se demokracia po funksionon, shkojmë në zgjedhje për me fitu Kosova” ishte deklarata e Veselit teksa po largohej./Sinjali/