Javën e ardhshme në vendin tonë parashihet të fillojë ulja e temperaturave e cila do të shoqërohet me vransira dhe reshje shiu Nga fundi i kësaj jave do të ketë më shumë intervale me diell.

Në pjesën e parë të kësaj jave pritet ndryshim i situatës sinoptike, në krahasim me ditët e shkuara. Fusha të presionit të ulët që do të depërtojnë mbi Mesdhe do të sjellin vransira dhe të reshura shiu mbi vendin tonë. Ndërkohë që nga verilindja e kontinentit do të shtrihen masa më të ftohta ajrore, që do të zbresin ndjeshëm temperaturat, por jo në vlera negative. Reshjet e shiut gjatë ditës së martë do të jenë më të vazhdueshme, e vonë gjatë natës në vise të larta malore priten edhe reshje bore. Deri të enjten reshjet gradualisht do të pushojnë.

Nga dita e premte do të ketë më shumë intervale me diell, e temperaturat do të rriten rreth vlerave mesatare për këtë periudhë kohore.

20.4 – Kryesisht me vransira dhe freskët. Vende-vende riga lokale shiu. Pasdite vonë dhe në mbrëmje reshjet do të shtrihen mbi tërë vendin.

21.4 – Ftohtë, kryesisht vranët dhe me reshje më të vazhdueshme shiu.

22.4 – 23.4 – Ditën e mërkurë ftohtë, kryesisht vranët. Në mëngjes me shi. Gjatë ditës dhe në mbrëmje reshje lokale shiu. Të enjten kryesisht me vransira dhe intervale të shkurta me diell. Paradite mundësi për riga lokale shiu.

24.4 – Më shumë diell. Ditën me pak vransira lokale.

Temperaturat do të pësojnë rënie të theksuar. Minimale nga 10C deri në 4C, e maksimalet nga 20C, të hënën, deri në 9C, të martën dhe mërkurën. Në pjesën e dytë të javës rritje graduale deri në 16C.

Do të fryejë erë mesatare dhe mesatarisht e fuqishme kryesisht nga verilindja 6-13m/s.

Shtypja atmosferike do të sillet përreth vlerave normale./Gazeta Sinjali/