Gazeta Sinjali raportoi pak më parë se një ndeshje boksit në sallën e sporteve në Gjakovë sot nuk përfundoi si duhet. Kjo pasi që familjarët e boksierit që humbi ndeshjen sulmuan gjyqtarët e policët.
Policia arrestoi tre persona, në mesin e tyre edhe babain e boksierit që dyshohet se i sulmoi ata. Sinjali mëson se bëhet fjalë për Gasper Rrasin.
Rrasi dyshohet se ia mori një zyrtarit policor sprejin nga brezi dhe e hodhi në drejtim të tyre. Ai po ashtu bashkë me dy djemtë e tij sulmoi gjyqtarët e ndeshjes.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.