Tre persona kanë mbetur të vdekur kurse 60 të tjerë janë plagosur, pasi një tornado ka përfshirë disa fshatra në Republikën Çeke jug-lindore, transmeton Gazeta Sinjali.

Stuhia e cila ka filluar të enjten ka hequr çatitë nga një numër i madh i ndërtesave në zonat jugore Breclav dhe Hodonin, duke shkulur pemë dhe duke përmbysur makina.

Tashmë aty janë vendosur ekipet e shpëtimit nga i gjithë vendi dhe gjithashtu nga Austria dhe Sllovakia fqinje.

Michaela Bothová, një zëdhënëse e shërbimit të shpëtimit të Moravisë Jugore, tha se 63 persona ishin dërguar në spital nga shërbimet mjekësore, dhjetë prej të cilëve kishin dëmtime të rënda. Tre më vonë vdiqën.

Dhjetëra njerëz të tjerë kërkuan vetë ndihmë mjekësore, shtoi ajo, dhe viktimat e mëtejshme nuk mund të përjashtoheshin ndërsa ekipet e shpëtimit kërkuan rrënojat. /Gazeta Sinjali/