Të paktën 15 persona janë vrarë ndërsa përleshjet mes forcave irakiane të sigurisë dhe mbështetësve të një kleriku të fuqishëm shiit kanë vazhduar gjatë natës në Bagdad.
Zyrtarët thonë se dhjetëra të tjerë u plagosën pasi protestuesit besnikë të Muqtada al-Sadr sulmuan pallatin presidencial.
Dhuna u ndez pasi Sadr njoftoi tërheqjen e tij nga politika, shkruan BBC.
Kryeministri i përkohshëm i Irakut ka bërë thirrje për qetësi dhe ushtria ka shpallur shtetrrethim mbarëkombëtar pas trazirave në disa qytete të tjera.
Luftimet në rrugë shpërthyen gjatë natës, ndërsa luftëtarët shkëmbyen të shtëna me armë zjarri dhe gjurmuesit ndriçuan qiellin e natës në dhunën më të keqe që goditi kryeqytetin irakian në vitet e fundit.
Pjesa më e madhe e luftimeve është përqendruar rreth Zonës së Gjelbër të qytetit, një zonë që strehon ndërtesa qeveritare dhe ambasada të huaja.
Zyrtarët e sigurisë thanë se një pjesë e dhunës ishte midis Brigadave të Paqes, përkrahës të klerikut Sadr, dhe anëtarëve të ushtrisë irakiane.
