image Thirrën emrin e Putinit në stadium duke provokuar ukrainasit, UEFA gjobit klubin e Fenerbahçes

Futboll

Thirrën emrin e Putinit në stadium duke provokuar ukrainasit, UEFA gjobit klubin e Fenerbahçes

news image

Klubi turk, Fenerbahce është gjobitur me 50,000 euro dhe iu dha një mbyllje e pjesshme e stadiumit për një ndeshje (të paktën 5,000 vende) për ndeshjen e tyre të ardhshme evropiane.

UEFA tha se dënimi ishte për “hedhjen e objekteve dhe transmetimin e një mesazhi provokues të një natyre fyese, pra thirrje të paligjshme”.

Dynamo Kyiv fitoi ndeshjen në Stamboll 2-1 më 27 korrik, pasi barazoi 0-0 në ndeshjen e parë të luajtur në Poloni për shkak të pushtimit të Rusisë.

Mijëra tifozë të Fenerbahçes iu bashkuan këngës pasi skuadra e tyre pësoi një gol ndaj kampionëve të Ukrainës, Dynamo Kyiv.

Thirrjet dukej se ishin ndezur pasi mesfushori i Dynamos, Vitaliy Buyalskyi festoi duke i dhënë epërsinë skuadrës së tij duke bërë një gjest shqiponje me duar, për të cilin disa tifozë besonin se ishte një provokim për rivalët e Fenerbahçes, Besiktas.

Në atë kohë, Fenerbahce tha se veprimet e tifozëve nuk përfaqësonin klubin në asnjë mënyrë.

“Ne i kujtojmë edhe një herë publikut qëndrimin tonë se sporti dhe politika duhet të mbahen gjithmonë të ndara nga njëra-tjetra”, thuhet në një deklaratë.

Trajneri i Dinamos, Mircea Lucescu u tha gazetarëve pas ndeshjes se sporti “nuk mund të pranojë sjelljen e tifozëve”.

“Nuk e prisja këngë të tilla. Është për të ardhur keq”, shtoi ai. Lucescu, një ish-menaxher i kombëtares turke, më vonë refuzoi të marrë pjesë në një konferencë shtypi pas ndeshjes në shenjë proteste për veprimet e tifozëve.

Ambasadori ukrainas Vasyl Bodnar tha se incidenti e kishte “trishtuar” atë.

/GazetaSinjaliSport/