Presidenti i Hashim Thaçi ka përfunduar trajtimin në QKUK pas ndërhyrjes endo-urologjike që kishte më 23 prill dhe sipas konstatimit të mjekëve ai tashmë është shëruar plotësisht.

“Presidenti Thaçi shpreh mirënjohjen më të thellë për mjekët dhe stafin mjekësor që janë kujdesur për të gjatë kësaj kohe”, thuhet në komunatën e Presidencës.

“Presidenti Thaçi ka falënderuar personalisht ekipin e urologëve Dr. Sabit Mehmeti, Dr. Bashkim Gllareva, Dr. Fahredin Veselaj dhe Dr. Ardit Kryeziu, infermierët Arsim Menxhiqi, Shpresa Makolli, Havushe Konshevci, Dardan Imeri, Feim Buqaj, Xhemile Dalipi dhe Petrit Gashi, ekipin e anesteziologëve Dr. Nehat Baftiu dhe infermierin Qerim Biba; si dhe ekipin e radiologëve Dr. Bujar Gjikolli dhe infermieri Alban Mustafa dhe Lorik Rrustemaj”, vijon komunikata.

“Jam krenar me profesionalizmin, përkushtimin dhe kujdesin që kam gjetur te i gjithë stafi këtu në SHSKUK”, citohet të jetë shprehur presidenti Thaçi.

Mjekët kanë konstatuar se Thaçi gëzon shëndet të mirë e të plotë dhe nuk ka nevojë për trajtime shtesë. /Gazeta Sinjali/