image Tetë të vdekur nga shpërthimi në minierën e metanit në Serbi - Sinjali

Tetë të vdekur nga shpërthimi në minierën e metanit në Serbi

news image

Të paktën tetë persona kanë vdekur dhe rreth 20 të tjerë u plagosën si pasojë e shembjes së një boshti në minierën e metanit.

Miniera Soko në Serbi pati një shembje të pjesshme mëngjesin e sotëm, duke bllokuar minatorët dhe duke lënë të paktën tetë persona të vdekur, transmeton Gazeta Sinjali.

Kreu i qendrës mjekësore Aleksinac, Rodoljub Zivadinoviç, ka thënë se 18 minatorë janë shtruar në spital në klinikën e tij.

Sipas televizionit shtetëror serb, RTS, aksidenti ndodhi rreth orës 5 të mëngjesit me orën lokale dhe përfshiu 49 minatorë që ishin në turn në atë kohë.

Miniera Soko ndodhet në Serbinë qendrore afërsisht 200 kilometra në juglindje të kryeqytetit, Beograd, dhe ka funksionuar që nga fillimi i shekullit të 20-të.

Gazeta lokale Blic raporton se një shpërthim metani shkaktoi shembjen e minierës.

Një tjetër degë, Novosti, raporton se 10 minatorë u tërhoqën pas katastrofës.

Në janar të vitit 1998, në minierën e Sokobanjës aty pranë ndodhi një aksident i rëndë. Në atë tragjedi, 29 minatorë vdiqën pas një shpërthimi të gazit metan.

/GazetaSinjali/


Shpërndaje artikullin