Myftiu i Kosovës, Naim Tërnava, ka njoftuar se nesër nuk do të falet namazi i Kurban Bajramit nëpër xhamitë e Kosovës.

Tërnava njofton se ritet fetare do të pezullohen për 10 ditë.

“Bashkësia Islame duke e analizuar situatën e cila po mbretëron në Kosovë e goditur nga virusi, edhe në mbledhjen e fundit të kryesisë u diskutua rreth këtij problemi. BIK-u lajmëron të gjithë besimtarët se nesër pezullohet falja e namazit të Bajramit të Vogël dhe për 10 ditë rresht pezullohen faljet dhe ritet nëpër të gjitha xhamitë e Kosovës”, ka thënë Tërnava.

Ai ka thënë tutje se për shkak të pandemisë duhet të shmangen vizitat me rastin e festës.

“Për shkak të rrezikut të virusit t’i shmangim vizitat dhe tubimet e mëdha në hapësira të mëdha dhe të vogla”, ka thënë Tërnava.  /GazetaSinjali/