Ish- deputetja nga radhët e LDK-së, Melihate Tërmkolli, ka reaguar duke akuzuar kryeministrin Kurti për papërgjegjësi ndaj SHBA-ve, që sipas saj as diktatori Enver Hoxha nuk e ka poshtëru në këtë mënyrë, prandaj ka kërkuar edhe largimin e LDK-së nga qeveria.

“As diktatori Enver Hoxha në kohë të tij sigurisht nuk do t’i referohej SHBA-ve me kaq poshtërim e papërgjegjësi se që po i referohet Kryeministri Albin Kurti dhe këshilltarët e tij (Erzen Vraniqi, Elvis Hoxha etj)”, ka shkruar Tërmkolli.

Ajo përmes një shkrimi në rrjetin e saj social në Facebook, ka kritikuar qeverinë për papërgjegjësi dhe për ulje të raporteve miqësore mes Kosovës dhe SHBA-së.

“Veprimi më i drejtë është tërheqja urgjente e LDK-së nga qeveria dhe gjetja e rrugëve për rikuperimin e marrëdhënieve tona me SHBA dhe me të gjitha shtetet tjera mike e partnere si dhe ngritja e përgjegjësisë institucionale përfaqësuese në nivelin më të lartë të interesave të vendit tone”, është shprehur ajo./ Gazeta Sinjali/