Policia Kufitare në Veri dje në fshatin Ballaban të komunës së Zveqanit ka ndaluar një automjet me targa të shtetit të Serbisë të cilin e ngiste i dyshuari  D.B mbi dyshimin e bazuar se kishte kontrabanduar mallra nga territori i Serbisë në Kosovë, transmeton Gazeta Sinjali.

Policia ka zbuluar se në këtë automjet ishin fshehur 770 pako me cigare, mbi 1 mijë palë gjinse si dhe 10 palë patike.  

Sipas policisë vlera e mallit të kontrabanduar i cili është konfiskuar është 13 mijë euro.  

Personi i cili është kapur duke kryer kontrabandë është liruar në procedurë të rregullt me urdhër të prokurorit.

 “Bazuar në informacionet e para, sipas zyrtarëve doganorë vlera minimale e mallit kalon afërsisht vlerën 13 mijë euro euro, përderisa sipas procedurave pritet të bëhet numërimi dhe verifikimi i detajuar, përfshirë edhe caktimin e vlerës së taksës dhe vlerës së mallit.  Me vendim të Prokurorit të Prokurorisë Themelore Mitrovicë janë iniciuar rastet ”Kalim i paautorizuar i vendkalimeve kufitare apo vijës kufitare” dhe “Kontrabandim me mallra”, përderisa personi i dyshuar pas intervistimit është liruar në procedurë të rregullt” thuhet në njoftimin e policisë. /GazetaSinjali/