Është djegur një veturë me targa serbe në veri të vendit. Bëhet fjalë për një veturë të tipit “Volkswagen Sharan” që ka qenë e parkuar në rrugën “Ivo Lola Ribar” në afërsi të shtëpisë së pronarit.
Lajmin e ka konfirmuar zëvendëskomandanti i Policisë së Kosovës për veriun, Veton Elshani.
“Policia ka marrë njoftimin për zjarrin rreth orës pesë të mëngjesit kur edhe kanë dalë në vendin e ngjarjes, ku paraprakisht kishin arritur zjarrfikësit”, tha ai,
Elshani ka thënë se për momentin s’ka të dyshuar dhe s’dihet motivi.
“Hetimet po vazhdojnë”, ka thënë ai.
