Në rrugën “Malishevë” të Gjilanit dhe në lagjen “Arbëria”, ka pasur tendenca për të blerë me para të falsifikuara, shkruan Gazeta Sinjali.

Policia e Kosovës bën të ditur se në rastin e parë, një person ka njoftuar se në marketin e tij, dy të dyshuar të panjohur kanë blerë cigare në vlerë prej 15 euro të cilat i kanë paguar me një monedhë prej 100€ e cila dyshohet të jetë e falsifikuar.

Monedha e dyshuar është konfiskuar.

Ndërkohë, në rastin tjetër, gjatë së shtunës, një person njoftoi se në marketin e tij, dy të dyshuar të panjohur kanë blerë gjëra ushqimore të cilat i kanë paguar me një monedhë prej 100€ e cila dyshohet të jetë e falsifikuar.

Edhe në këtë rast, monedha e dyshuar është konfiskuar. /Gazeta Sinjali/