image Shatri-Berisha: Telekomi humbi 15 milionë euro, jemi në pritje të prokurorisë

Financa

Shatri-Berisha: Telekomi humbi 15 milionë euro, jemi në pritje të prokurorisë

news image

Pas intervistimit të kryesuesit të Bordit të Drejtorëve në ARKEP, Kreshnik Gashi, Komisioni hetimor parlamentar lidhur me gjendjen në PTK dhe Vala ka vazhduar me intervistimin e kryesueses së Bordit të Drejtorëve në Telekom, Besa Shatri-Berisha.

Kjo e fundit ka treguar se çfarë kur pritet të kthehen në Telekom numrat e klientëve të “Z-Mobile” pas ndërprerjes së kontratës.

Kemi dërguar edhe një letër në ARKEP, që kjo fazë kalimtare të jetë sa më pak e ndjeshme, për këto 30 ditë, deri në 120 ditë. Shpresojmë që brenda këtyre ditëve t’i kthejmë 90 për qind të abonentëve në Telekom“, tha ajo.

Kryesuesja e Bordit të PTK-së ka thënë se numrat e Z-Mobile i takojnë Telekomit, pasi operatori i deritashëm virtual nuk ka infrastrukturë.

Sa i përket numrave, Z-Mobile ka nën shfrytëzim numrat e Telekomit, nuk ka infrastrukturë të vet. Komplet shfrytëzimet duhet të kthehen në Telekom. Unë i kisha bërë thirrje ARKEP-it që të mbajë anën e drejtë, që të mos mbajë anën e operatorit virtual. Shërbimet do t’i kthejmë në Telekom. “, tha ajo.

Shatri-Berisha shtoi se ka pasur shumë pika të mosmarrëveshjes me “Z- Mobile”, ndër tjera edhe çështja e çmimeve.

Ne i kemi një borxh Z-Mobile, ka edhe borxhe të pathyera që ata na i kanë neve. Kemi ushtruar 3 kallëzime penale. Nga implementimi i kësaj kontrate Telekomi ka humbur 15 milionë euro. Jemi në pritje të prokurorisë. Dy kallëzimit e fundit penale janë gjatë këtij viti, pas ekspertizës financiare”, u shpreh Shatri-Berisha.

Duke u përgjigjur në pyetjen e deputetes së Lëvizjes Vetëvendosje, Albulena Haxhiu se cili është roli i ARKEP-it gjatë kësaj faze tranzitore, Shatri-Berisha tha se ky institucion duhet të ketë rol monitorues e jo interpretues. /Sinjali/