Pas rritjes së numrit të të infektuarve me koronavirus që janë shtruar në Klinikën Infektive në QKUK, pacientët kanë filluar të trajtohen edhe në spitalet rajonale.

Në Spitalin e Përgjithshëm në Gjakovë, respektivisht në Repartin e Infektives janë të hospitalizuar 7 raste me COVID-19 dhe 3 raste që pritet të testohen sot.

Numri total i rasteve pozitive në Kosovë është 2,677 raste nga 23,339 persona të testuar. Nga këto 49 persona kanë vdekur, duke pasur edhe sëmundje të tjera.

Numri i përgjithshëm i të shëruarve deri më sot është gjithsej 1,425 raste, kurse raste aktive janë 1,203. /Gazeta Sinjali