Xhelal Sveçla në pozitën e ushtruesit të detyrës në Ministrinë e Punëve të Brendshme, sot ka dorëzuar kallëzim penal kundër presidentit Hashim Thaçit.

Ky kallëzim penal vjen pasi presidenti Thaçi kishte deklaruar me 23 mars që të mos ndiqen vendimet e qeverisë së Kosovës, për qëndrimin mbyllur dhe kufizimin e lëvizjes së lirë të qytetarëve në kohë pandemie.

Lajmin e ka bërë të ditur Ministria e Punëve të Brendshme përmes një njoftimi në faqen e tyre në Facebook.

Këtë deklaratë presidenti Thaçi e kishte bërë pasi kryeministri Kurti kishte marr vendim që qytetarët të lëviznin të lirë vetëm në dy orare për shkak të gjendjes pandemike./ Gazeta Sinjali/