Mbledhja e Komisionit për Mbikëqyrjen e Financave Publike filloi me fjalosje ndërmjet kryetares Hykmete Bajrami dhe deputetit të VV-së, Halil Thaçi.
Deputeti i VV-së i tha Bajramit që të kërkojë falje që javën e kaluar e mbylli mbledhjen po i pyetur ata.
“Është mirë me na sqaruar që mbledhja u mbyll dhe e lejove një deputet të ofendoj. Kërko falje”, theksoi Thaçi.
Kurse Bajrami, tha se u detyrua ta mbyll mbledhjen pasi situata eskaloi.
“Zotëri Thaçi unë ty nuk të jap shpjegime dhe mund ta mbyll mbledhjen. Situata eskaloi për atë u detyrova të mbyll mbledhjen. Asnjëherë nuk kërkoj falje”, tha Bajrami.
Javën e kaluar mungesa e ministrit të Financave, Hekuran Murati në Komisionin për Mbikëqyrjen e Financave Publike, ka shkaktuar debat të ashpër ndërmjet deputetëve të pozitës dhe opozitës.
Deputetja e VV-së Mirlinda Tishukaj-Sadiku ka kërkuar nga deputetët e opozitës që mos të paragjykojnë për mungesën e Muratit, duke thënë se nuk po e bënë avokatin e askujt.
Deputeti i PDK-së Hajdar Beqa ka kërkuar që deputetët e pozitës të mos bëhen zëdhënës të Qeverisë.
