Legjenda e Uruguait, Luis Suarez nuk sheh asnjë arsye për të kërkuar falje për lojën me dorë kundër Ganës në Kupën e Botës 2010, por pranoi një ‘gabim’ kur kafshoi italianin Giorgio Chiellini.
Me Uruguain që do të përballet sërish me Ganën në turne nesër, incidenti nga ajo çerekfinale është kthyer sërish në plan të parë.
Suarez u përjashtua me karton të kuq pasi përdori dorën për të shpëtuar në mënyrë efektive goditjen me kokë të Dominic Adiyiah në minutën e fundit të kohës shtesë, por Asamoah Gyan humbi penalltinë që rezultoi në eliminim të Ganës.
“Nuk kërkoj falje për këtë, bëra lojë me dorë, por lojtari i Ganës humbi penalltinë, jo unë”, tha Suarez në një konferencë për shtyp.
“Mund të kërkoj falje nëse lëndoja një lojtar me një ndërhyrje dhe merrja karton të kuq, por në këtë situatë marr një karton të kuq dhe arbitri thotë penallti.
“Nuk është faji im, nuk e humba penalltinë. Lojtari që humbi penalltinë tha se do të bënte të njëjtën gjë [siç bëra unë] në atë situatë. Nuk është përgjegjësia ime në këtë situatë.”
Luis Suarez ishte përfshirë edhe në incidente, siç ishte kafshimi, duke përfshirë marrjen e një pjese nga supi i mbrojtësit të Italisë Chiellini në Kupën e Botës 2014.
“Po thonë unë jam djalli dhe këto gjëra, por atë që bëra me Chiellinin, luajta kundër tij më pas, bëra një gabim dhe shtrënguam duart.
Nuk mund të vazhdosh të mendosh për të kaluarën dhe të hakmerresh sepse kjo mund të jetë kundërproduktive.”
Nuk kishte asnjë VAR në atë kohë, kështu që Suarez nuk u përjashtua me karton të kuq dhe Italia humbi ndeshjen, por më vonë ai mori një dënim me nëntë ndeshje, katër muaj në të gjitha garat e futbollit.
