Spitali i Përgjithshëm i Pejës ka hapur edhe reparte të tjera për pacientët me COVID-19, pasi repartet që veçse ishin të përcaktuar për trajtimin e tyre, janë mbushur.

180 pacientë janë të shtrirë në këtë spital. Sipas njoftimit të lëshuar, 157 nga këta pacientë janë në oksigjenoterapi, 5 në CPAP.

Njoftimi i plotë:

Tashmë pasi që shtretërit e Repartve të Bllokut Internistik: Reparti Infektives, Psikiatrisë, Dermatologjisë, Neurologjisë, Internistik dhe dy katët e Spitalit të Mushkërive janë mbushur me pacientë me Covid-19, është filluar që pranimet të bëhen në Repartin e ORL dhe Oftamologjisë. Momentalisht gjendja me pacientë me Covid-19 është:

✓180 pacientë janë të shtrirë në Spitalin e Përgjithshëm në Pejë;

✓157 pacientë janë në Oksigjenoterapi;

✓ 5 pacientë janë në CPAP;

✓ 9 pacientë janë shëruar;

✓20 pacientë janë pranuar;

Mbroje vetën vaksionohu. /Gazeta Sinjali/