Mbrojtësi i majtë i Romës dhe Italisë, Leonardo Spinazzola, është gati për rikthimin e tij nëntë muaj pas këputjes së tendinit të Akilit, transmeton Sinjali Sport.
Ai kishte qenë ylli i Italisë i turneut deri sa u tërhoq papritur gjatë çerekfinales me Belgjikën në korrik 2021 duke shtrënguar pjesën e pasme të kyçit të këmbës.
Spinazzola kishte lënduar tendinën e tij të Akilit, një dëmtim relativisht i rrallë dhe jashtëzakonisht i rëndë që e ka mbajtur jashtë për më shumë se nëntë muaj.
Ai ishte në stolin e Romës për herë të parë në fitoren e djeshme 2-1 në Serie A ndaj Salernitanës dhe mund të rikthehet këtë javë.
“Ndihem mirë, kam dalë nga guaska ime pas disa muajsh që vërtet nuk ishin të lehtë, por e dija që mund të mbështetesha në këtë familje. Si gjithmonë, gjithçka kalon pranë”, tha Spinazzola në një event publik.
“Nëse shikoj prapa, shoh shumë punë të palodhur dhe shumë gjëra të mrekullueshme që më ndihmuan të rritesha. Nëse e pres me padurim të ardhmen, them se dua të bëj shumë më tepër në futboll, madje edhe gjëra më të mrekullueshme dhe më të vështira sesa të fitoj Euron”, ka deklaruar italiani.
