Të riut, Adnan Halimi, që humbi jetën tragjikisht si pasojë e një aksidenti të rëndë trafiku, sot do t’i jepet lamtumira e fundit, raporton Gazeta Sinjali.
Sipas njoftimit, varrimi i të ndjerit do bëhet në varrezat e fshatit Shtedim të Podujevës në orën 16:00.
I riu humbi jetën si pasojë e një aksidenti që ndodhi në magjistralen Podujevë – Merdar, saktësisht në fshatin Shtedim, ku u përfshinë tri vetura dhe një biçiklist.
Viktima nuk arriti t’u bëjë ballë plagëve dhe vdiq në vendin e ngjarjes, ku vdekjen e tij e konstatoi edhe ekipi mjekësor.
