Para dy viteve me datë shtatë shtator Kosova arriti një nga fitoret më të mëdha në historinë e saj, raporton Sinjali Sport.

Dardanët mposhtën Republikën e Çekisë me rezultat 2-1 në kuadër të eliminatoreve për Kampionatin Evropian.

Takimi filloi në të mirë të mysafirëve që shënuan me Patrick Schick në minutën e 18-të, duke qenë kjo e tëra.

Pasi radha erdhi për të përzgjedhurit e Challandes, të cilët menjëherë në min e 20-të filluan përmbysjen me një kundërsulm perfektë, të konkretizuar me gol nga Vedat Muriqi.

Për golin e dytë u përkujdes Mërgim Vojvoda, i cili në min e 67-të shënoi golin e fitores me dinakëri, pas asistimit të Valon Berishës.

Kosova pas kësaj ndeshje kishte shanset e mira për kualifikim, mirëpo humbja ndaj Anglisë në të dy ndeshjet dhe nga Çekia në udhëtim, nuk mundësuan kualifikimin historik. /Gazeta Sinjali Sporti/