Tetë dekada pas rënies së tij, Prof. Ymer Berisha vazhdon të nderohet si një nga figurat më të rëndësishme të rezistencës kombëtare shqiptare.
Në shenjë respekti për jetën dhe veprën e tij, sot në Klinë mbahet Akademi Përkujtimore me rastin e 80-vjetorit të rënies së atdhetarit, intelektualit dhe luftëtarit të njohur.
Akademia do të zhvillohet në Shtëpinë e Kulturës “Jehona e Dukagjinit” në Klinë, duke filluar nga ora 11:00, me pjesëmarrjen e përfaqësuesve institucionalë, historianëve, studiuesve dhe personaliteteve që do të sjellin vlerësime mbi kontributin e Prof. Berishës në arsim, kulturë dhe lëvizjen kombëtare shqiptare.
Sipas organizatorëve, aktiviteti synon të ruajë kujtesën historike dhe të nderojë trashëgiminë e një personaliteti që ia kushtoi jetën atdheut, duke lënë pas një vepër që vazhdon të zërë vend të rëndësishëm në historinë shqiptare.
Sinjali – aty ku e vërteta flet para lajmit!
