Tifozët e Saint-Etienne pushtuan fushën mbrëmë pasi u konfirmua rrëzimi i skuadrës së tyre në Ligue 2 dhe hodhën flakë dhe granata tymuese ndaj lojtarëve të tyre.
Fituesit rekord 10 herë të Ligue 1 u përballën me Auxerre në ndeshjen e dytë të play-off-it për mbijetesë në Stade Geoffroy-Guichard. Pas barazimit 1-1 në ndeshjen e parë, Saint-Etienne e dinte se duhej të fitonte për të siguruar vendin e tyre në Ligue 1 për sezonin e ardhshëm.
Ndeshja e dytë mbrëmë gjithashtu përfundoi 1-1, për të shkuar në vazhdime me po atë rezultat dhe penalltitë duhej të vendosnin fatin e skuadrës që do të luajë në Ligue 2.
Më të suksesshëm u treguan lojtarët e Auxerre duke e fituar kështu finalen e play-off dhe duke e rrëzuar skuadrën e Saint-Etienne në një divizion më të ulët.
Pas kësaj, tifozët e Saint-Etienne pushtuan fushën, duke bërë rrëmujë të madhe në fushë, duke hedhur granata tymi mbi lojtarët.
Lojtarët u desh të evakuoheshin sepse një mori tifozësh të zemëruar të Saint-Etienne vrapuan në fushë, duke mbajtur fishekzjarrë dhe granata tymi.
st etienne just lost on penalties to auxerre and have been relegated so the st etienne fans invaded the pitc and attacked players and the police
— Football Fights (@footbalIfights) May 29, 2022
pic.twitter.com/gaKgxwNHYI
Stafi i skuadrës e kuptuan shpejt seriozitetin e situatës dhe shoqëruan disa nga lojtarët vendas jashtë fushës.
Një nga një, flakët u hodhën nëpër fushë, duke shkaktuar rrëziqe të mëdha ndaj futbollistëve.
Këtë sezon, Saint-Etienne është sanksionuar disa herë nga organi drejtues i futbollit francez, LFP.
Në tetor 2021, atyre iu tha të luanin ndeshjen me dyer të mbyllura, ndërsa ata luanin ndeshjen e Auxerre me një tribunë të mbyllur për shkak të telasheve të turmës kundër Monakos.
Klubi pritet të marrë një dënim të konsiderueshëm për incidentin e fundit të turmës.
