Qeveria e Kosovës, pritet që nesër të shqyrtojë një propozim-vendim lidhur me blerjen e veturave zyrtare, shkruan Gazeta Sinjali.
Në mbledhjen e 36 të ekzekutivit, që pritet të mbahet nesër në orën 16:00, rendin e ditës të së cilës e ka siguruar Gazeta Sinjali, në pikën e 5-të thuhet se ky propozim-vendim, ka të bëjë me ndalimin e procedurave të blerjes së veturave zyrtare nga ministritë dhe agjencitë në varësi të tyre.
Çdo vit është raportuar se në të dhënat e buxhetit është parë se ka vazhduar tendenca e shpenzimit të mijërave eurove për blerje të veturave.
Por si duket një gjë e tillë do të ndalohet nëse merret ky vendim nga Qeveria Hoti.
