Rastet e vdekjes e të infektimeve nga koronavirusi në Kosovë, ditëve të fundit kanë shënuar ngritje drastike.
Sipas raportit të fundit të ministrisë së Shëndetësisë, numri i rasteve aktive me COVID-19, është 26 mijë e 525.
Të hënën u raportuan 20 viktima dhe me 932 raste pozitive me koronavirus.
Rastet e reja kanë dalë pas testimit të 7.384 mostrave në laboratorët shtetërorë dhe privatë. Nga numri i përgjithshëm i të testuarve, mbi 12 për qind kanë dalë pozitivë.
Numri më i lartë i të infektuarve i përket grupmoshës 30-39 vjeç, përkatësisht 191 persona.
Më 29 gusht kanë hyrë në fuqi masat e reja kundër pandemisë, të cilat sipas Qeverisë së Kosovës, kanë për qëllim frenimin e përhapjes së mëtejme të koronavirusit.
