image Situata në Veri: PDK kërkon veprime të përgjegjshme politike për ruajtjen e stabilitetit në vend

Politikë

Situata në Veri: PDK kërkon veprime të përgjegjshme politike për ruajtjen e stabilitetit në vend

news image

Kryetari i Partisë Demokratike të Kosovës, Memli Krasniqi, ka takuar sot në mbledhje të përbashkët Kryesinë e Partisë dhe Grupin Parlamentar të PDK-së, me ç’rast është diskutuar për zhvillimet aktuale në vend, me theks të veçantë shqetësimet në lidhje me situatën e krijuar në pjesën veriore të vendit.

Siç thuhet në komunikatë për media, në takim u rikonfirmua nevoja e veprimeve të përgjegjshme politike për ruajtjen e stabilitetit në vend, të cilat duhet të ndërmerren përmes koordinimit ndër-institucional dhe komunikimit ndër-partiak.

PDK vlerëson se tërheqja nga detyrat dhe përgjegjësitë institucionale të zyrtarëve të komunitetit serb, cenojnë sovranitetin juridik të shtetit tonë dhe mbarëvajtjen e rendit publik.

Prandaj, në këtë situatë, koordinimi mes Qeverisë dhe Opozitës dhe harmonizimi i veprimeve institucionale, duke përfshirë këtu Kuvendin e Kosovës, si dhe konsultimet me partnerët ndërkombëtarë, janë të domosdoshme, thuhet tutje.

“Me këtë rast, PDK shpreh gatishmërinë për të komunikuar hapur dhe në vazhdimësi me Qeverinë rreth situatës së krijuar në pjesën veriore të vendit, si dhe për të ndihmuar institucionet në vazhdimin e ushtrimit të sovranitetit në çdo pjesë të Republikës së Kosovës”, thuhet tutje në komunikatë.

PDK: Kërkohen veprime të përgjegjshme institucionale politike dhe koordinim i gjerë politikPrishtinë, 7 nëntor –…

Posted by Partia Demokratike e Kosovës – PDK on Monday, November 7, 2022

/GazetaSinjali/