Organizata Botërore e Shëndetësisë ka marrë raporte, që nga e enjtja, për 257 raste të konfirmuara të lisë së majmunëve dhe rreth 120 raste të dyshuara në 23 vende, transmeton Gazeta Sinjali.
Në Shtetet e Bashkuara , Qendrat për Kontrollin dhe Parandalimin e Sëmundjeve kanë raportuar 12 raste në tetë shtete që nga pasditja e së premtes.
Në pesë vende afrikane ku lija e majmunëve është e zakonshme, OBSH tha se ka marrë raporte për 1,365 raste dhe 69 vdekje për shkak të virusit. Këto raste janë raportuar në periudha të ndryshme nga mesi i dhjetorit deri në fund të majit.
“Që nga viti 2017, vdekjet e pakta njerëzore nga lija e majmunëve në Afrikën Perëndimore janë shoqëruar me moshë të re ose infeksion HIV të pa trajtuar,” tha OBSH në raportin e së dielës.
