image Siguria për zgjedhjet në Veri, shefi i EULEX diskuton me shefen e operacioneve të NATO-s për bashkëpunim

Siguri

Siguria për zgjedhjet në Veri, shefi i EULEX diskuton me shefen e operacioneve të NATO-s për bashkëpunim

news image

Kreu i EULEX-it, Lars-Gunnar Wigemark, është takuar me shefen e Operacioneve Aktuale të NATO-s, Ariella Viehe.

Temë e takimit mes tyre ishte situata e sigurisë në Kosovë para zgjedhjeve të prillit në Veri të vendit.

“Një diskutim i shkëlqyeshëm me shefen e Operacioneve Aktuale të NATO’s, Ariella Viehe, për situatën e sigurisë në Kosovë pas krizës së vitit të kaluar dhe në hijen e zgjedhjeve komunale në 4 komunat veriore”.

Wigemark tha se gjithashtu kanë diskutuar edhe për bashkëpunimin e ngushtë mes EULEX-it dhe KFOR-it.

Zgjedhjet në katër komunat veriore do të mbahen më 23 prill 2023. Lista Srpksa nuk do të marrë pjesë në këto zgjedhje. Megjithatë, shtetet e QUINT’it kanë mbështetur zgjedhjet, duke thënë se shprehin keqardhje që kjo parti ka refuzuar të marrë pjesë në këto zgjedhje.

/GazetaSinjali/