Autoritetet ukrainase kanë publikuar pamjet që tregonin momentin kur forcat ruse kapën kryebashkiakun e Melitopolit, një qytet në Ukrainën juglindore që ra nën kontrollin rus gjatë pushtimit.
Ministria e Jashtme e Ukrainës akuzoi Rusinë për shkelje të ligjit ndërkombëtar, duke rrëmbyer kryetarin e bashkisë, Ivan Fedorov.
Rusia nuk ka bërë komente mbi fatin e Fedorov, ndërsa Ukraina thotë se forcat ruse e rrëmbyen atë pasi e akuzuan për terrorizëm.
Pamjet e shpërndara nga autoritetet ukrainase treguan një burrë që thuhet se ishte Fedorov duke u shoqëruar nga një grup burrash me uniformë nga Pallati i Kulturës Taras Shevchenko në Sheshin e Fitores së Melitopolit.
In this today's video from the occupied #Melitopol city in #Zaporizhzhya province you can see how in the middle of the day the #Russian soliders kidnap Ivan Fedorov, a mayor of the city. Video shared by the Ukraine presidential office (Kyrylo Tymoshenko). [Thread⬇️] pic.twitter.com/ei5cykbSYP
— Victor Kovalenko (@MrKovalenko) March 11, 2022
