image Shtohet një tjetër kosto në çmimin e biletave të aeroplanit në Zvicër - Sinjali

Shtohet një tjetër kosto në çmimin e biletave të aeroplanit në Zvicër

news image

Çmimet më të larta të karburanteve dhe rritja e kërkesës pas COVID-it për udhëtime po rrisin biletat e avionit, duke i bërë biletat e avionit gjithnjë e më të shtrenjta.

Tani transportuesi kombëtar i Zvicrës, SWISS, po shton një tjetër kosto në çmimin e biletave: nga 21 qershori, pasagjerët që nuk janë të kënaqur me ndenjësen që u është caktuar në seksionin “Economy Light” (ku biletat nuk mund të rezervohen paraprakisht) dhe ata që duan ta ndryshojnë atë, do të duhet të paguajnë për ta bërë këtë.

Deri më tani pasagjerët mund të ndryshonin numrin e ulësve të tyre të caktuara automatikisht pa pagesë gjatë regjistrimit.

Çmimi për ta bërë këtë do të jetë së paku 30 franga, në varësi të rrugës së fluturimit, shkruan albinfo.

Në adoptimin e këtij sistemi, SWISS po ndjek praktikën e kompanisë së saj mëmë, Lufthansa Group, ku ndryshimi i vendeve në rrugët evropiane kushton nga 12 në 25 euro për një drejtim.

/GazetaSinjali/


Shpërndaje artikullin