737 pacientë të prekur me koronavirus kanë vdekur gjatë 24 orëve të fundit në Meksikë, ka njoftuar Ministria e Shëndetësisë.

Kështu, numri i përgjithshëm i viktimave të sëmundjes së re në njërin prej vendeve më të mëdha të Amerikës Latine shkoi në 42 mijë e 645, shkruan “Reuters”.

Përpos viktimave, gjatë kësaj periudhe u regjistruan edhe 7 mijë e 573 raste të reja të infektimeve dhe numri i përgjithshëm i të prekurve shkoi në 378 mijë e 285 persona.

Qeveria meksikane ka thënë se numri i vërtetë i personave të infektuar ka gjasë të jetë goxha më i lartë se shifra zyrtare.

Meksika është një ndër shtetet më të prekura nga koronavirusi në Amerikën Latine, së bashku me Brazilin dhe disa vende të tjera./Gazeta Sinjali/