Fundi i vitit po afron e bashkë me të po afrohen edhe festat. Sikur çdo herë tjetër, edhe këtë mot ka nisur dekorimi i rrugëve, shesheve, shtëpive dhe pemëve nëpër shumë vende të botës.
Kështu ka vepruar edhe Shtëpia e Bardhë në Washington të Shteteve të Bashkuara të Amerikës.
Shtëpia ku aktualisht banon presidenti i 46-të i Shteteve të Bashkuara të Amerikës, Joe Biden së bashku me gruan e tij Jill Biden, tashmë veçse është gati për festat e fundvitit.
Këtë e ka bërë të ditur vetë zonja e parë duke ndarë disa fotografi në llogarinë e saj në Facebook.
