Kombëtarja shqiptare ka arritur një fitore tejet të rëndësishme në gjasat për kualifikim në Euro 2024.
Kuqezinjtë kanë mposhtur me rezultat të pastër Poloninë, duke triumfuar me rezultat 2-0, me nga një gol në secilën pjesë.
Jasir Asani zhbllokoi sfidën në minutën e 38-të duke realizuar një eurogol nga distanca.
Goli i dytë erdhi nga Mirlind Daku, i cili sapo u fut në lojë në pak momente ai realizoi golin e dytë të skuadrës dhe të parin e tij me fanellën e Shqipërisë.
Me këtë fitore, Shqipëria merr lidershipin në grupin E, duke u renditur e para me 10 pikë, dy pikë më shumë sesa vendi i dytë, Çekia.
