Në një deponi ilegale të mbeturinave në Prizren janë parë edhe uniforma të Policisë së Kosovës, këtë rast në e ka raportuar në Facebook një qytetar.

Përmes postimit të tij në FB, Ridvan Tahiri, shprehet i habitur se si ka mundësi që unforma e Policisë të hudhet në mbeturina.

“A ka shpjegim kjo? Kur jam urdhëruar nga ndërkombetaret dhe disa të UDB-ës më  dorzu unifomrën, atë ditë i kam hekurosë,  palosë dhe i kam dorzuar me dashuri. Sepse me këtë uniformë i kisha shërby shtetit tim. Kurse sot e shoh në mbeturina uniformën që është paguar me gjak dhe para”, ka shkruar Tahiri, transmeton Sinjali.