Shefi i OKB-së, Antonio Guterres ka thënë se pasojat për botën e pushtimit rus ndaj Ukrainës po përkeqësohet, dhe se kanë prekur 1.6 miliardë njerëz.
“Ndikimi i luftës në sigurinë ushqimore, energjinë dhe financat është sistematik, i rëndë dhe i përshpejtuar,” thotë Sekretari i Përgjithshëm i OKB-së teksa paraqet raportin e dytë të OKB-së për pasojat e konfliktit.
“Lufta kërcënon të lëshojë një valë të paprecedentë urie dhe mjerimi, duke sjellë kaos social dhe ekonomik pas saj”, ka theksuar Guterres.
Ndërsa kriza e këtij viti duket se ka të bëjë me mungesën e aksesit në ushqim, kriza e vitit të ardhshëm mund të jetë për mungesën e vetë ushqimit, paralajmëron ai.
Ai ka thënë gjithashtu se ka vetëm një mënyrë për të ndaluar këtë, pushtimi rus i Ukrainës duhet të përfundojë.
“Ka vetëm një mënyrë për të ndaluar këtë, pushtimi rus i Ukrainës duhet të përfundojë”, theksoi shefi i OKB. /abcnews.al
