Autoriteti Portual i Massachusetts ka hyrë zyrtarisht në Librin e Rekordeve Guinness pas ndërtimit të topit më të madh të futbollit në botë, me një diametër mbresëlënës prej 47.9 metrash.
Ky instalacion gjigant është vendosur në Piers Park II në East Boston dhe ka marrë konfirmimin zyrtar nga Guinness World Records si topi më i madh i krijuar ndonjëherë, duke e tejkaluar rekordin e mëparshëm të mbajtur nga Katari, ku në vitin 2013 ishte ndërtuar një top me diametër 39.98 metra.
Projekti është realizuar nga kompanitë Britten, Inc. dhe Creative Inflatables nga Ohio, dhe është konceptuar si një homazh për ndeshjet e Kupës së Botës FIFA që do të zhvillohen në stadiumin e Bostonit në Foxborough gjatë muajve qershor dhe korrik.
Topi gjigant do të qëndrojë i ekspozuar për publikun deri më 18 qershor, duke u kthyer në një atraksion të veçantë për vizitorët.
Autoritetet kanë bërë të ditur gjithashtu se të gjitha materialet e përdorura në ndërtimin e tij do të riciklohen pas përfundimit të ekspozimit.
Sinjali – aty ku e vërteta flet para lajmit!
