Shtetet e Bashkuara kanë testuar një raketë të mesme balistike, kjo është prova e dytë në katër muajt e fundit, që kur Uashingtoni u tërhoq nga një traktat me Rusinë, i cili ndalonte testimin e raketave balistike.

Parlamenti rus më 18 qershor votoi për pezullimin e traktatit.

Shtetet e Bashkuara dhe NATO-ja e kanë akuzuar Rusinë për shkelje të paktit.

Departamenti i Mbrojtjes tha se lëshimi u bë nga Baza e Forcave Ajrore të Vandenbergut në veri-perëndim të Los Angjelosit.

Raketa fluturoi më shumë se 500 kilometra para se të binte në një zonë të hapur të Oqeanit Paqësor.

Raketa të tilla mund të pajisen me armë bërthamore, kimike ose biologjike.

Vladimir Yermakov, kreu i departamentit të kontrollit të armëve në ministrinë e Jashtme ruse ka thënë se Rusia është “alarmuar” nga testimi.

Testi i parë i SHBA-së ndodhi më 18 gusht. Ky veprim nxiti menjëherë reagimin e Moskës e cila e akuzoi Uashingtonin se po shkaktonte “tensione ushtarake”. /Gazeta Sinjali/