Rusia është dënuar pas bombardimeve të qyteteve anembanë Ukrainës, duke përfshirë sulmet me raketa në qendër të Kievit.
Shtetet e Bashkuara të Amerikës kanë thënë se sulmet “brutale” kishin goditur objektiva jo-ushtarake dhe premtuan ndihmë të vazhdueshme ushtarake, duke përfshirë sisteme të avancuara të mbrojtjes ajrore.
Shefi i Kombeve të Bashkuara Antonio Guterres tha se ishte “thellësisht i tronditur”, raporton BBC, transmeton Gazeta Sinjali.
Vladimir Putin tha se sulmet ishin hakmarrje për shpërthimin e së shtunës në një urë kyçe që lidh Rusinë me Krimenë.
Dhuna vdekjeprurëse në të gjithë Ukrainën përfshinte sulme në qytetet Lviv, Kharkiv, Dnipro dhe Zaporizhzhia.
Të paktën 14 ukrainas u vranë dhe dhjetëra të tjerë u plagosën, thanë zyrtarët.
Në Kiev zonat e goditura përfshinin parkun Taras Shevchenko, një ndërtesë universiteti dhe një shesh lojërash për fëmijë.
