Shtetet e Bashkuara të Amerikës kanë sanksionuar shefin e inteligjencës serbe, Aleksander Vulin pas lidhjeve të tij me Rusinë dhe ndihmesën që ia ka dhënë Moskës në përpjekjet për të destabilizuar rajonin e Ballkanit Perëndimor. SHBA ka specifikuar se një vendim i tillë nuk është kundër institucioneve të Serbisë.
Lidhur me këtë vendim ka folur edhe ambasadori amerikan në Beograd, Christopher Hill, duke shprehur dëshirën e tij që Serbia t’i bashkohet botës Perëndimore.
Për këtë ka reaguar analisti amerikan, Daniel Serwer, duke pyetur se si mund të dërgohet drejt Perëndimit një shtet që e ka të sanksionuar shefin e inteligjencës për shkak të ndihmesës që ia ka bërë ndikimit keqdashës të Rusisë.
“Si do të sillni një vend drejt Perëndimit, me një shef inteligjence të sanksionuar se ndihmoi ndikimin keqdashës rus”, ka pyetur Serwer.
How would you bring a country with an intel chief sanctioned for facilitating malign Russian influence into the West? https://t.co/CfVj7Kexn0
— peacefare.net (@DanielSerwer) July 14, 2023
