Shteti i Kroacisë ka kërkuar nga pesë shtetet e Bashkimit Evropian pranimin e shtetit të Kosovës. Kjo nuk i ka pëlqyer Serbisë e cila është kundërshtare e pavarësisë së Kosovës, transmeton Sinjali.

Ministri i Punëve të Brendshme të Serbisë, Aleksandar Vulin ka deklaruar se nëse Kosova konsiderohet shtet atëherë edhe Republika Srpska duhet të gëzojë një gjë të tillë.

“Nuk ka asnjë shkencë që mund të përgjigjet pse Kosova mund të bëhet shtet dhe se Republika Srpska duhet të mbetet një entitet. Vetëm shkenca mund të përgjigjet se si është e mundur të kërkohet njohja e të ashtuquajturës Kosovë në të njëjtën fjali dhe të kundërshtohen ndryshimet e kufijve në Ballkan” , ka thënë Vulin.

Ndryshe Serbia disa herë ka përmendur Bosnje e Hercegovinën i cili shtet është i ndarë për shkak të dallimeve etnike dhe serbët nuk e kanë fshehur dëshirën e tyre për shkëputjen nga Bosnja. /GazetaSinjali/