Shefi i stafit të presidencës së Kosovës, Blerim Vela, e ka ngritur me shqetësim armatosjen e vazhdueshme dhe të pandalshme të shtetit serb. Ai, sot ka reaguar ndaj ekspozimit në Serbi të armatimit kinez.
Ekspozimi i këtij armatimi këtë të shtunë, ka nxitur shqetësime të shumta edhe te zyrtarë ndërkombëtarë.
Vela ka thënë se militarizimi i shpejtë i Serbisë është duke e rrezikuar paqen në rajon.
“Serbia publikisht ekspozoi sistemin antiraketor kinez FK-3 me rreze të gjatë veprimi. Serbia është i vetmi vend në Evropë që ka pranuar dhe po operon me një sistem të tillë kinez. Serbia është duke u armatosur me shpejtësi dhe duke e rrezikuar paqen në rajonin tonë”, ka shkruar Vela përmes Twitter-it.
❗️#Serbia publicly unveiled the recently received ???????? FK-3 long range, high altitude anti-aircraft missile system.
— Blerim Vela (@Blerim_Vela) April 30, 2022
Serbia is the only European country to receive and operate such a Chinese weapon system.
Serbia is rapidly militarizing and endangering the peace in our region. pic.twitter.com/mS4jaObkFL
