image Serbia e fut në karantinë veriun - Haxhiu: Sot u paska ra në mend veriu i vendit Thaçit, Mustafës e Veselit - Sinjali

Siguri/ Serbia e fut në karantinë veriun – Haxhiu: Sot u paska ra në mend veriu i vendit Thaçit, Mustafës e Veselit

news image

Ministrja në detyrë e Drejtësisë, Albulena Haxhiu, pas vendosjes së komunave veriore të Kosovës në karantinë me urdhër të Serbisë, ka akuzuar për “pazare” presidentin e Kosovës, Hashim Thaçi, kreun e Lidhjes Demokratike të Kosovës, Isa Mustafa dhe atë të Partisë Demokratike, Kadri Veselin.

Haxhiu tha se Thaçi, Mustafa e Veseli që u paska rënë në mend sot veriu i vendit, pas 21 viteve “pazare”, deklaratat e të cilëve tha se u demantuan nga ministrat e Qeverisë Kurti.

“Thaçi, Mustafa e Veseli si zakonisht në të njëjtën linjë. Sot u paska ra në mend veriu i vendit tonë anipse që 21 vite kanë qenë herë bashkë e herë veç e veç por sërish për pazare bashkë. Ministrat Vitia dhe Sveçla sot i demantuan deklaratat e tyre që kanë për qëllim të mjegullojnë e të vënë në panik qytetarët”, ka shkruar Haxhiu në Facebook.

Sipas saj, veprimet e tyre në këtë kohë janë të pafalshme, por ajo thotë se më nuk u beson askush.

Gazeta Sinjali mbrëmë raportoi se Serbia ka urdhëruar vendosjen e Mitrovicës Veriore dhe Zveçanit në karantinë, si dhe izolimin e qindra qytetarëve të pesë komunave me shumicë serbe në territorin e Republikës së Kosovës. Ky urdhër i strukturave paralele në veri është duke u zbatuar edhe nga Policia e Kosovës në atë pjesë. /Gazeta Sinjali/

Thaçi, Mustafa e Veseli si zakonisht në të njëjtën linjë. Sot u paska ra në mend veriu i vendit tonë anipse që 21 vite…

Gepostet von Albulena Haxhiu am Samstag, 4. April 2020

Shpërndaje artikullin