image Serbët fillojnë të kthehen pas votimeve, pritjet në kufi deri në 70 minuta - Sinjali

Serbët fillojnë të kthehen pas votimeve, pritjet në kufi deri në 70 minuta

news image

Serbët e Kosovës të cilët kanë marrë pjesë në zgjedhjet serbe në Serbi, kanë filluar të kthehen në Kosovë.

Sipas Ministrisë së Punëve të Brendshme, situata në pikat kufitare tek Dheu i Bardhë, Jarinje e Bërnjak, paraqitet me pritje minimum deri në 20 minuta.

Në Bërnjak, pritjet për të hyrë në Kosovë nga Serbia janë prej 20 deri në 30 minuta.

Në pikëkalimin kufitar tek Dheu i Bardhë, pritjet për të hyrë në Kosovë janë prej 45 minuta deri në një orë, ndërsa situatë më e rënduar paraqitet tek pika kufitare në Jarinje, ku pritjet janë prej një orë deri në 70 minuta.

Sot, në Serbi po mbahen zgjedhjet presidenciale dhe parlamentare, ndërsa serbët e Kosovës janë detyruar që të shkojnë të votojnë në territorin serb, pasi një gjë e tillë nuk u lejua nga Qeveria e Kosovës.

/GazetaSinjali/


Shpërndaje artikullin