Shefi i Grupit Parlamentar të Vetëvendosjes, Rexhep Selimi, ka thënë se në Gjykatën Speciale nuk ka gjykatës që mund të shkarkohen nga pronto.

“Nëse nuk e keni ditur se gjykata themelohet për të gjykuar e keni pasur gabim, ata nuk ishin gjykatës që mund të shkarkohen nga pronto, është e kundërta, ata edhe të shkarkojnë”, tha Selimi.

Selimi gjithashtu tha se kur u votua themelimi i Gjykatës Speciale në Kuvend, atëkohë ishte kryeministër Hashim Thaçi dhe thoshte që kjo gjykatë do ta pastrojë luftën e UÇK-së.

“A nuk ishte UÇK e pastër atëherë kur thoshit se kjo gjykatë do ta pastrojë luftën e drejtë të UÇK-së?. A nuk e  sollëm vet këtë gjykatë për të cilën tani po ankohemi?”, u shpreh Selimi.

“Në atë kohë Qeveria e Kosovës ka qenë sponzorizuese, në atë kohë ishte Thaçi kryeministër. A nuk iu thoshte se kjo gjykatë s’ka të bëjë me UÇK-në, por me individët”./ Gazeta Sinjali/