Ndërsa lufta e Rusisë në Ukrainë po vazhdon, Sekretari i Përgjithshëm i NATO-s, Jens Stoltenberg tha se ai mendon se nuk ka gjasa të ketë një luftë të plotë midis Rusisë dhe aleancës.
Stoltenberg, duke folur me Christiane Amanpour të CNN, vlerësoi shfaqjen e unitetit të vendeve të NATO-s për uljen e gjasave për një luftë në shkallë të plotë, shkruan CNN, transmeton Gazeta Sinjali.
Megjithatë, ai tha se terreni në Ukrainë është “jashtëzakonisht e paparashikueshme” dhe se NATO është përballur me një realitet të ri dhe duhet të përgatitet për një afat të gjatë.
Sekretari i përgjithshëm, i cili duhej të bëhej shefi i Bankës Qendrore të Norvegjisë më vonë këtë vit, tani do të qëndrojë si kreu i NATO-s duke pasur parasysh situatën në Ukrainë. “Ndihem i privilegjuar për të tretën herë, në fakt, të zgjas mandatin tim.”
