Emisari gjerman për Ballkanin Perëndimor, Manuel Sarrazin, ka thënë se në secilin vend që po shkon për vizitë po u thotë që ai vend është i preferuari i tij.
Mirëpo, ai tha se mund të jetë e vërtetë kur thonë se Kosova është vendi i tij i preferuar në Ballkanin Perëndimor.
“Shakaja ime e zakonshme që po e bëj është se në secilin vend që po shkoj po them se ai vend është i preferuari nga gjashtë vendet e Ballkanit Perëndimor, por disa njerëz thonë se është Kosova dhe kjo mund të jetë e vërtetë”.
“Herën e parë që erdha në Kosovë ishte në vitin 2016 ose 2017 dhe kisha dëgjuar disa storie negative për Kosovën në Gjermani dhe kur erdha këtu që nga momenti i parë u ndjeva mirë dhe kjo është më e mira që mund të ndodhë kur vjen në një vend dhe të pëlqen të jesh aty. Në fakt, nëse do të jetoja në Ballkanin Perëndimor ndoshta do të zgjedhja Kosovën ose njërën nga pesë vendet e tjera”.
